Çoxunuzu maraqlandıran suallar

• Müştəri məmnuniyyəti əsas qayəmizdir.

• A-dan Z-ə ölkəmizin istənilən bölgəsinə poçtla çatdırılma.

• Seçdiyiniz məhsulu “Sifariş Et” xidməti ilə əldə etmək imkanı.

• Sifarişlə bağlı hərhansı problem yarandığı zaman operativ müdaxilə.

• Ən sürətli çatdırılma və kuryer xidməti.

Cəmi 3 addımda seçdiyiniz məhsulu dünyanın müxtəlif ölkələrindən qapınıza gətirə bilərsiz:

Addım 1

Vadi.az saytında qeydiyyat formunu doldurun. Bu zaman xarici ünvan əldə edəcəksiniz;

Addım 2

Sifarişinizi seçin və məhsulun çatdırılacağı ünvan bölməsinə həmin ölkədəki ofis ünvanımızı qeyd edin. Ödəniş edərək sifarişi tamamlayın;

Addım 3

Sifarişinizi tamamladıqdan sonra bağlama xarici anbara təhvil verilir. Biz isə 3-7 iş günü ərzində bağlamanızı yerli anbara çatdırırıq.

Hazırda Türkiyə və Amerika anbarlarımız fəaliyyətdədir. Yaxın zamanda BƏƏ, Çin və digər ölkələrdən də sifariş edə biləcəksiz

Sifariş etdiyiniz mağaza sifarişi təsdiqlədikdən sonra daxili karqo və ya poçt xidməti vasitəsi ilə sizin göstərdiyiniz ofis ünvanına müəyyən olunmuş iş günləri ərzində təhvil verir. Bağlamanı təhvil alan səlahiyyətli şəxs elektron imza ilə sifarişi qəbul edir və proses başa çatır.

Sifarişi etdiyiniz ölkə bağlamanızı kuryer şirkəti vasitəsi ilə bizim həmin ölkədəki anbarımıza çatdırır. Bu zaman kuryer şirkətinin tələb etdiyi xidmət haqqı sifarişi verdiyiniz saytda görünür. Məhsulunuzun qiyməti yüksək olduğu zaman bəzi hallarda karqo haqqı alınmaya bilir.

Ünvan: Bakı şəhəri. Yasamal rayonu, Salatın Əsgərova küçəsi 89,Nizami m/s yaxınlığında AZ 1009

İş saatları:

Zəng mərkəzi:

- Həftəiçi: 10:00 - 19:00

- Şənbə: 10:00 - 18:00

Anbar:

- Həftəiçi: 10:00 - 20:00

- Şənbə: 10:00 - 18:00

Müştəri Xidmətləri:

- Həftəiçi: 10:00-00:00

- Şənbə: 10:00-23:00

"Sifariş Et" xidməti:

- Həftəiçi: 10:00-19:00

- Şənbə: 10:00-18:00

Xarici anbara çatdırılma müddəti sifariş etdiyiniz satıcı fimadan asılıdır. Satıcı firma 3-7 gün ərzində ( rəsmi bayram günləri və həftəsonları bu müddəti uzada bilər ) məhsulu xarici anbarımıza təhvil verir. Bağlamanız xarici anbarımızdan yerli anbara 3-7 iş günü ərzində (gömrükdə yoxlanış müddəti xaric) çatdırılır. Nəzərinizə çatdıraq ki, xarici anbarımıza daxil olan maye, kosmetik, qida əlavələri (vitamin), elektronik məhsulların göndərişi həftədə 1 dəfə olmaqla xüsusi reyslə həyata keçirilir. Buna əsasən 3-7 iş günü çatdırılma müddəti bu tip məhsullara şamil deyildir. 

"Sifariş Et" xidməti bunun üçündür.

Qeydiyyat prosesini uğurla başa çatdırdıqdan sonra açılan profil səhifəsindən “Sifariş Et” bölməsinə daxil olursuz.

Müvafiq xanaya almaq istədiyiniz məhsulların linklərini yerləşdirirsiz. Seçdiyiniz məhsulun qiyməti, sifarişi etdiyiniz ölkənin daxili karqo qiyməti və komisiyya haqqı hesablanaraq sizə yekun məbləğ göstərilir. Ödəniş edirsiz və biz sizin əvəzinizə alırıq.

Bəzən satıcı mağaza sifarişləri səbəb bildirərək və ya bildirmədən ləğv edir. Bu halda əgər səbəb göstərilibsə şirkətimiz sizə sifarişin ləğvi və səbəbi barədə məlumat verir. Satıcı mağaza səbəb göstərməyibsə sizə sadəcə sifarişin ləğv edildiyi barədə məlumat gəlir. Hər iki halda ödəniş geri qaytarılır.

Çatdılırma haqqı Beynəlxalq Hava Nəqliyyatı Assosiasiyasının metrik standartlarına uyğun olaraq Fiziki və Həcmi çəki ilə hesablanır.

Sifariş Türkiyə anbarımızın ünvanları qeyd edilərək icra edilərsə, tərəflərindən hər hansı biri 100 sm-dən böyük bağlamanın çatdırılma haqqı həcmi çəkiyə əsasən hesablanır. Sifariş Amerika anbarımızın ünvanları qeyd edililərək icra edilərsə, tərəflərindən hər hansı biri 80 sm-dən böyük olan bağlamanın çatdırılma haqqı həcmi çəkiyə əsasən hesablanır. Həcmi çəki= (hər biri sm olmaqla) Uzunluq x Hündürlük x En / 6000

Sifarişiniz ləğv olunduğu zaman məbləğ  ilk öncə TL balansınıza geri qaytarılır. Məbləğin ödəniş etdiyiniz karta geri qaytarılmasını istəyirsinizsə, Müştəri xidmətlərinə müraciət edə bilərsiniz.

Sifariş üçün vəsaitinizdən çıxılan tranzaksiya faiz məbləği müştərisi olduğunuz bank tərəfindən təyin olunur.

Bəyannamə nədir ?

Bağlamanın bir ölkədən digərinə daşınması üçün tələb olunan sənəddir. Bağlamanın gömrük sisteminə daxil olması və problemsiz ölkəyə daxil ola bilməsi üçün bəyannamə yaratmaq şərtdir.

Bəyannamə yaratmaq üçün lazım olan məlumatlar:

Mağazanın adı- sifarişinizi etdiyiniz və bağlamanı göndərən mağazanın adı;

Məhsul kateqoriyası- məhsulunuzun növü (aksesuar, geyim, elektron avadanlıq və s.);

Miqdar- bağlamanın daxilindəki məhsul sayı;

Qiymət- bağlamanın ümumi qiyməti;

Faktura- sifariş mağaza tərəfindən təsdiqləndikdən sonra elektron poçt ünvanınıza göndərilən sənədin PDF və ya PNG formatı;

Mağazanın izləmə kodu- sifariş yola düşdükdə mağazanın sizə göndərdiyi “tracking number”

Qeyd: Bəyannamə sifariş edilmiş məhsul xarici anbara təhvil verilmədən öncə yazılmalıdır.

Kuryer xidməti ilə ofisimizə gəlmədən bağlamalarınızı qapıda təhvil ala bilərsiz.

Kuryer sifarişi etdikdən sonra maksimum 2 gün ərzində bağlamalarınız təyin etdiyiniz məkana çatdırılır.

Daşıma haqqı və kuryer ödənişləri qabaqcadan edilir.

Ölkəmizin istənilən bölgəsinə Azərpoçt vasitəsilə çatdırılma xidməti mövcuddur. Bağlamanızı poçta təhvil verdikdən sonra rayondan asılı olaraq 1-5 iş günü ərzində rayon filialınıza çatdırılır.

• Poçtla sifariş bağlama yerli ofisimizə çatdıqdan sonra edilə bilər,
• Daşıma haqqı və poçt ödənişləri qabaqcadan edilir,
• Poçt tariflərini Azərpoçt şirkəti təyin edir,
• Poçtla sifarişi şəxsi kabinetinizdən “Azərpoçt sifarişi” bölməsinə keçid edərək həyata keçirə bilərsiz.

Hal-hazırda geri qaytarma(iadə) xidmətimiz yoxdur.

Əldə etdiyiniz məhsulun bütün parametrləri ( çəki, ölçü, rəng, keyfiyyət, tamlığı, forması) tamamilə satıcı firmanın məsuliyyətinə daxildir.

Bəyannamə prosesi doğru şəkildə yerinə yetirildikdən sonra bağlamanın 2-3 iş günü ərzində xarici anbara təslim edildiyi göstərilir.

Bu müddət ərzində bağlamanız sistemdə əks olunmasa bizimlə kontakta keçərək bağlamanın təslim detallarını göndərirsiz.

Anbarın iş saatlarında təhvil verilən və səlahiyyətli şəxslərin imzası ilə alındığı təsdiq olunan bağlamalar tərəfimizdən araşdırılır və ən qısa zamanda problem həll olunur.

Sifarişi etdiyiniz ölkə bağlamanızı kuryer şirkəti vasitəsi ilə bizim həmin ölkədəki anbarımıza çatdırır. Bu zaman kuryer şirkətinin tələb etdiyi xidmət haqqı sifarişi verdiyiniz saytda görünür. Məhsulunuzun qiyməti yüksək olduğu zaman bəzi hallarda karqo haqqı alınmaya bilir.

Dövlət Gömrük Komitəsi yoxlanış zamanı saxlanılan bağlamalara Barkod verdiyi vaxt bizə (daşıma şirkətinə) məlumat verir. Məlumat bizə çatdıqdan dərhal sonra sizə mail və ya telefon zəngi ilə Barkod haqqında xəbər veririk.

Bağlamalarınız bir neçə halda gömrük əməkdaşları tərəfindən saxlanıla bilər:

• Bağlamada qadağan olunmuş hərhansı məhsul olarsa;
• Məhsulun kommersiya məqsədli olduğu ortaya çıxarsa;
• Sifarişin ümumi dəyəri aylıq 300 dollar limitini aşarsa.

Bağlamanız gömrük orqanları tərəfindən saxlanıldıqda qaimə hazırlanır. İlk olaraq ofisimizə yaxınlaşaraq daşınma ödənişini etdikdən sonra həmin qaimə və barkodu təhvil alırsız. Bundan sonra Bakı Karqo Terminalına müvafiq ödənişi edib bağlamanızı geri alırsız.

Bildiyiniz kimi, Azərbaycan Respublikasının qanunvericiliyinə əsasən 21 sentyabr 2020-ci il tarixindən 300 dollar məbləğində gömrük limiti qərarı qüvvəyə mindi.

Bu qərara əsasən, fiziki şəxs ümumi dəyəri bir təqvim ayı üçün 300 USD dəyərində məhsul idxal edə bilər.

Məhsulun ümumi dəyəri 300 dollardan çox olduğu halda gömrük rüsumu ödənilir.

Limitə həm məhsulun öz qiyməti, həm də daşınma haqqı daxildir.

Bağlamalarınızı e.customs.gov.az saytında bəyan etdikdə və gömrük limitini aşdığınız halda vergi ödənişini vaxtında etdiyiniz zaman bağlamalarınız yerli ofisimizə göndərilir.

Əgər bağlamanızı sizin yerinizə başqa bir şəxsin təhvil almasını istəyirsizsə, həmin şəxsə etibarnamə verə bilərsiniz.

Saytımıza daxil olduqdan sonra şəxsi kabinetinizdən “Etibarnamələr” bölməsində etibarnamə vermək istədiyiniz şəxsin şəxsiyyət vəsiqəsinin məlumatlarını yerləşdirin.

Həmin şəxs öz vəsiqəsi və sizin müştəri kodunuzla ofisimizə yaxınlaşaraq bağlamanı təhvil ala bilər. Etibarnamə sayında limit yoxdur.

Bağlamanızı təhvil almaq üçün tələb olunan yeganə sənəd şəxsiyyətinizi təsdiq edən hərhansı vəsiqənin (şəxsiyyət, tələbə və ya sürücülük) özü və ya sürətidir.

Bağlamalarınız yerli anbarda 15 gün ərzində saxlanması ödənişsizdir. 15-30 gün ərzində hər günə görə əlavə 0.50 AZN, 31-45 gün ərzində isə hər günə görə əlavə 1 AZN ödəniş hesablanacaq. 45 gün keçdikdən sonra təhvil alınmamış bağlamalarınız aktlaşdırılaraq hesabınızdan silinir və sifarişə görə ödənilmiş məbləğ heç bir halda geri qaytarılmır.

Bağlamalarınızın sayı sizin sifariş etdiyiniz mağazadan asılıdır. Vadi.az bağlamalarınızı satıcı mağaza təhvil verdiyi kimi alır.

Problemlə qarşılaşdığınız zaman bizimlə əlaqə saxladıqdan sonra 15 iş günü müddətində problem araşdırılaraq həll olunur.

Hava nəqliyyatı tərəfindən daşınması qadağan olunmuş bütün məhsullar;

Azərbaycan Respublikası ərazisinə idxalı qadağan olunmuş bütün məhsullar;

Narkotik və psixotrop maddələr, hazırlanması və istifadəsi üçün lazım olan alətlər;

Təhlükəli, tezalışan, partlayıcı və radioaktiv maddələr;

Hər cür silah, hərbi təyinatlı qurğu və alətlər, döyüş sursatları;

Canlı heyvan;

Batareyalar, amortizatorlar, powerbanklar;

Maşın yağı və mühərriklər;

Daha ətraflı məlumat üçün aşağıdakı linkə keçid edin.
https://customs.gov.az/az/ferdler-ucun/mallarin-gomrukden-kecirilmesi/ 
 

Bizimlə:

• Zəng Mərkəzimiz- (012) 310 14 40,
• Facebook və Instagram səhifələrimiz,
• Email - [email protected],
• Canlı Çat
• Saytımızın Əlaqə bölməsindəki müraciət formu vasitəsilə əlaqə saxlaya bilərsiz. Sorğularınıza bir neçə dəqiqə ərzində cavab verəcəyik.